საქართველოს ნაკრების კალათბურთელმა გოგა ბითაძემ "ბუდეჩნოსტში" გადასვლის შემდეგ პირველი კომენტარი გააკეთა.
როგორც იცით, ქართველი ცენტრი, მონტენეგროულ გუნდში სეზონის ბოლომდე განათხოვრების წესით გადაბარგდა.
“ჩემთვის დიდი პატივია, რომ "ბუდუჩნოსტში" ვითამაშებ, კლუბში, რომელიც ევროლიგაში ასპარეზობს. ეს ჩემთვის კარგი შანსია. მინდა, ახალ კლუბს უკეთ გარჯასა და გამარჯვებებში დავეხმარო. ვიცი, რომ "ბუდუჩნოსტს" დიდებული ფანები ჰყავს, რომლებიც საშინაო მატჩებზე წარმოუდგენელ ატმოსფეროს ქმნიან. იმედი მაქვს, ყველაფერი კარგად იქნება", - აღნიშნა ბითაძემ წარდგენის შემდეგ.
