"ტოტენჰემის" მთავარმა მწვრთნელ ჟოზე მაურინიომ თავის ყოფილ შეგირდ მარიო ბალოტელიზე იქილიკა..

"ბალოტელისთან მუშაობის შესახებ შემიძლია 200-300 ფურცლიანი წიგნი დავწერო, სრული კომედია იქნება.

მახსოვს ერთხელ, ჩემპიონთა ლიგის მატჩზე ყაზანში "რუბინს" ვეთამაშებოდით. ყველა ფორვარდი ტრავმირებული მყავდა, მილიტოც და ეტოოც, მხოლოდ მარიო რჩებოდა.

42-ე წუთზე მან ყვითელი ბარათი მიიღო. შესვენებაზე 15 წუთი მხოლოდ მარიოს ვესაუბრებოდი - “ მხოლოდ შენ ხარ ფორვარდი გუნდში, შენი შეცვლა არ შემიძლია, ამიტომ ფრთხილად იყავი ბურთი თუ დაკარგე არავისთან შეხვიდე კონტაქტში, მსაჯმა თუ შეცდომა დაუშვა არ ეკამათო, პროვოცირებას არ წამოეგო, მხოლოდ კარში დარტყმაზე იყავი ორიენტირებული”.

დაიწყო თუ არა მეორე ტაიმი 15 წამში წითელი ბარათი მიიღო", - იხსენებს მოურინიო.