არგენტინული გამოცემა Ole წერს, რომ ბუენოს-აირეში "ბარსელონას" ვარსკვლავის ლიონელ მესის ბიძა დიეგო გარდაიცვალა. 

როგორც აღნიშნული წყარო წერს, მას სიმსივნე ჰქონდა და ამ საშინელ დაავადებას თვეების განმავლობაში ებრძოდა. 

მესის ბიძასთან ბრწყინვალე ურთერთობა აკავშირებდა და როგორც თავად ამბობდა, ის კარიერულ წინსვლაში ძალიან დაეხმარა. 

აღნიშნულ ფაქტს ვარსკვლავი სოციალურ ქსელში გამოეხმაურა და ამ ამბავს მისი ოჯახის უდიდესი ტრაგედია უწოდა.